Caboindex

Cultura Afro

  • Geral
  • Media
  • Música
  • Sobre
Estás aqui: Home / Geral / RAP DI KONDENADU

RAP DI KONDENADU

1 Setembro, 2006 12:13 Comentar isto

Xutadu la pa jolapa falta di kaxola

na ponta di pistola

kel li ki foi nha skola
Na bairu mi é bodona

pa mi é tudu dona

famadu N ta da tapona

ki fari matxu sorna
Na meiu barakada

N prende da finkada

ami na nha pasada

é rai ta subi skada
Armadu o dizarmadu

na zona N ta txomadu

óra ki tiru bazadu

la beku di kemadu
N prende pa N ka more

N xinta pa N ka kore

N bende txon nha kôri

pa N fika la na tôri
Na bespa kinzi anu

ami N bai di kana

es fla-m «bo é bakanu

más li so ten sakana»
Obidu ben abertu

pa N obi son di guarda

si matxu txiga pertu

kamuga na ndjarga
Di noti N ta matuta

na stória di nha bida

paródia briga furta

ku bofia N ta rabida
Nha spritu djagasidu

ta txora liberdadi

nha nomi é pirsigidu

pamodi N fla verdadi

Na txabi N sta trankadu

ku fama malkriadu

nha sal ka ta purbadu

nen na óra minguadu
Kontadu rakontadu

mandadu la pa dentu

N kreba bira bentu

pa N sai pa tudu ladu
Ami N ka limária

pa N podu na korenti

nha denti xeiu kária

é eransa disendenti
Txikradu mo bixeru

ami nha bida é zeru

ami si N fase éru

kulpadu é dizusperu
Nha mai ta lamenta-m

nha pai ta maldisua-m

más si matxu palpa-m

ka t´odja palmanhan
Pamódi di buazona

N poi lumi na zona

N fase krus na petu

N salta parapetu
Ku gana bira dretu

más N ka sta atxa getu

es stória di ruspetu

e ten ki ben di dentu
Nha bida dipalbesa

pamódi nha kabesa

si mi N ka grandi pésa

algen djuda na résa
Distinu kondenadu

é mueda so dun ladu

pa undi ki viradu

é senpri kusa mariadu

José Luis Tavares

Mais Nesta Categoria: Geral Tags: cultura, poesia

Deixe uma resposta Cancelar resposta

O seu endereço de email não será publicado. Campos obrigatórios marcados com *

Este site utiliza o Akismet para reduzir spam. Fica a saber como são processados os dados dos comentários.

Cassette Audio

Mas Afinal o que é uma Mixtape?

Reggae meets Hip-Hop

As raízes do Hip-Hop Estão na Música Reggae

Princezito na ACV Lisboa

Princezito na ACV Lisboa – Música e Boa Conversa

Hip-Hop em Portugal na RTP Play

O Hip-Hop em Portugal na RTP Play

Aya Nakamura - Djadja

Aya Nakamura – Djadja (vídeo & letra pt)

Mayra Andrade - Manga (Official Video)

Manga – Mayra Andrade (Letra PT & Video)

Mario Lucio - Tema de Minis Funaná

Tema de Minis Funaná

Whitney - ART-2562 - Wishum Gregory

A Galeria de Arte Wishum Gregory

B-1310 – Wishum Gregory

Criações Históricas para Mentes Conscientes

Caboindex © 2023 · criado pela Marvirtual.com